BORESSI 2 DALOURDES

Son qua sentà al café

me bevo ‘na bireta

dopo aver tanto ciacolà

go contà ai pelegrini tante storie

tute bele che i se restai imbambolà

go parlà de miracoli e de conversion

e tanti se partii par la capela de la confession

e desso me calmo e vardo la gente

che passa soto la piova

i se tuti stufi e pieni de fredo

poareti

i vien qua par veder xe ghe se miracoli e conversion

e i me trova mi che forse

ghe fasso un fià de confusion

e qua sentà anca mi speto un miracolo

me bevo la bireta

vardo i oci de le done che passa

ma gnanca una te somegia

gnanca una co’ i to oci

un fià furbi e spiritai

ma quando ze vedemo

i se tuti dolzi e incantai.